靚靚寄語Celine搞好學業先


謝婷婷與靚靚早前合作真人騷成為好友, 兩人昨晚同場互笠高帽。(攝影/記者﹕鍾一虹)

【明報專訊】袁詠儀(靚靚)謝婷婷昨晚到中環出席護膚品牌活動,靚靚和謝婷婷早前在內地真人騷合作玩網球遊戲變得熟絡,兩人同場碰面即互笠高帽,讚對方球技精湛。

笑魔童唱歌似劏雞

談到參加美國《全美一叮》爆紅的譚芷昀(Celine),被指成為父親的搖錢樹,網民直指家長應該以身作則?靚靚表示有留意新聞,因Celine跟老公張智霖同公司,每次見她都在假日或考試期過後,好少見她不返學,自己作為媽媽,對事件覺得好矛盾,一方面認為小朋友有天賦才能,應該多加培養自信,但學業上一定要先搞好,靚靚又說﹕「我不知Celine幾多身價,不過我覺得小朋友有父母在身邊最安全,交給經理人未必放心。」靚靚笑言也好想在唱歌方面培養兒子,可惜他無這方面的遺傳,她說﹕「兒子唱歌似劏雞,我問他想不想參加歌唱比賽,他叫我不要講笑,想將來職業做打機達人,我叫他讀好書才能做遊戲方程式。」

婷婷談「鷹眼」好溫馨

謝婷婷指未有機會跟男友「鷹眼」謝洛美維拿(Jeremy Renner) 切磋球技,她說﹕「我其他運動好叻,但不知他會不會打網球,我們在L.A.見面,多在家裏食飯睇戲,他最近專心在音樂上,有時他在練歌,我就做聽眾。」問到可擔心經常分隔兩地難維繫?婷婷指自己在事業搏殺期,分隔兩地工作可以讓自己更專心,反而男友有點不開心。

記者﹕鍾一虹